स्वस्थ गर्भावस्थाको सुरुवात गर्भ बस्नुअघि नै हुन्छ।
Preconception Check-up भनेको गर्भधारण गर्नुअघि श्रीमान् र श्रीमती दुवैले आफ्नो स्वास्थ्य अवस्था जाँच गराई, सम्भावित जोखिम पहिचान गर्ने र स्वस्थ गर्भावस्थाका लागि तयारी गर्ने प्रक्रिया हो।
गर्भधारणको योजना बनाउनुअघि चिकित्सकसँग परामर्श गर्नुहोस्।
यसले तपाईंको स्वास्थ्य अवस्था, आवश्यक परीक्षण, औषधि, खोप र जीवनशैली सुधारबारे सही मार्गदर्शन प्राप्त गर्न मद्दत गर्छ।
श्रीमतीका लागि आवश्यक परीक्षण
CBC (रगत परीक्षण) – रक्तअल्पता (Anemia) वा संक्रमण छ कि छैन जाँच गर्न।
Blood Group र Rh Factor – भविष्यमा आवश्यक पर्न सक्ने जानकारीका लागि।
रक्तमा चिनी (Blood Sugar) – मधुमेहको जोखिम भए/नभएको जाँच गर्न।
HIV, Hepatitis B (HBsAg) र Syphilis (VDRL/RPR) – गर्भावस्था र शिशुलाई असर गर्न सक्ने संक्रमण पत्ता लगाउन।
Urine Routine Test – पिसाबको संक्रमण (UTI) भए/नभएको जाँच गर्न।
TSH (थाइराइड परीक्षण) – थाइराइडको समस्या, लक्षण वा गर्भ रहन कठिनाइ भएमा।
Folic Acid 400 mcg – गर्भधारणभन्दा कम्तीमा १ महिना अगाडिबाट दैनिक सुरु गर्नुहोस्।
श्रीमान्का लागि आवश्यक परीक्षण
HIV, Hepatitis B र Syphilis परीक्षण।
Semen Analysis (वीर्य परीक्षण) – गर्भ रहन कठिनाइ भएमा चिकित्सकको सल्लाह अनुसार-
(यदि १ वर्षसम्म गर्भ नरहेमा, वा श्रीमतीको उमेर ३५ वर्ष वा बढी भए ६ महिनापछि)
गर्भधारणअघि अपनाउने बानी
- सन्तुलित र पोषिलो आहार खानुहोस्।
- धूम्रपान, मदिरा र सुर्तीजन्य पदार्थ त्याग्नुहोस्।
- नियमित व्यायाम गर्नुहोस्।
- स्वस्थ तौल कायम राख्नुहोस्।
- दीर्घरोग वा नियमित औषधि सेवन भए चिकित्सकसँग परामर्श लिनुहोस्।
आवश्यक खोपहरू पूरा गर्नुहोस्।
किन आवश्यक छ?
गर्भधारणअघि स्वास्थ्य समस्या पहिचान गर्न।
स्वस्थ गर्भावस्था र स्वस्थ शिशुको सम्भावना बढाउन।
गर्भावस्थामा हुन सक्ने जटिलताको जोखिम कम गर्न।
